May 13, 2025, 05:28 PM: Education laga daam bishi bishi bari jai asey: Admission form khan laga daam uthi uthi jai thaka para, College khan tey, student khan nimitey chinta dangor ekta hoi jaishey. Dimapur Govt. College toh hoiley ₹500 charge kuri asey, Admission Form khan nimitey.
“Fee khan toh hoiley direct para Dimapur Govt. College Account para pai thakishey,” Principal para koishey.
“Moi khan toh hoiley eku stationary expenditure napai, State Govt. para”, Principal para koishey.
Itu ₹500 Charge kuria toh hoiley stationary expenditure maintain kuriboley & form fee asey, koishey, principal para.
St. John College, Dimapur toh hoiley ₹300/- charge kuri asey, Immanuel College Dimapur tey ₹350/- charge kuri asey.
Unity College, Dimapur tey bhi ₹500/- charge kuri asey. Sakus Mission College kuntu toh hoiley itya Livingstone College logotey merge hoi jai kena asey, tatey laga new admission form laga fee toh ₹500/- asey.
Add Comment