College students logot larai te police officer jokom

Kolkata: Saturday din Kolkata te police aro students group larai hoishe, etu tuita(2) groups pithor te jamila ola te police officer ek jun besi beya para jokom paishe koikena khobor senior police officer para janaishe. Bhowanipore police station laga additional officer-in-charge, Rajib Sahoo para Ashutosh College laga tuita(2) students groups majot te larai kori thaka samai rokaboli kora te tai laga matha te jokom paishe. Etu incident toh 7 pm samai hoishe aro etu tuita(2) youth wings toh Trinamool Congress laga ase. Etu groups khan toh police station laga bahar te jama korikena alag-alag kotha nemite koi thakishe, koikena officer para toh janaishe. “tai khan pithor te larai ola logot ami khan laga officer logot matha te jokom paishe, tai toh larai kora pithor te jaishe. Ami khan para etu samai konuba students khan ke thurishe aro etu kam nemite khobor toh sai ase,” tai janaishe. Etu police officer te state-run SSKM Hospital te elaj nemite loikena jaishe aro tai laga halat toh itya bhal wala ase koikena khobor para janaishe.