Bogota, Colombia, November 29: 81 passengers loikene jai thaka ekta plane Monday te Colombian city Medellin odor te crash hoikene thakishe. Eitu passengers khan majote Brazilian club football team laga members khan bi thakishe. “Electrical failures” hoikene thaka karone eitu plane crash hoikene thakishe. Eneka officials khan pora koise. Report laga hisab te eitu crash te 76 jon manuh morishe aru pans (5) jon bachishe (survived). Aru eitu eitu pans jon manuh majote teenjon manuh toh football players ase.
Players Alan Luciano Ruschel, Marcos Danilo Padilha aru Jacson Ragnar Follmann toh eitu plane crash te bachi jaikene thaka manuh majote thakishe. Bachikene thaka dusra duita passengers toh Rafael Correa Gobbato aru Ximena Suarez ase. Brazilian football club – Chapecoense Real laga members khan South American Cup finals khelibole karone eitu plane loikene Colombia te jai thakishe. Eitu carsh karone South American Cup finals event ke cancel kori dikene ase.
LAMIA airlines flight toh Brazil te pora olaikene thakishe, Santa Cruz, Bolivia te rukikene thakishe aru eitu pichete Colombia karone olaikene thakishe.
Medellin airport pora ekta statement te koise, 10 pm local time te eitu plane pora emergency report korikene thakishe. “Plane te electrical failures hoishe koikene tai khab pora koikene thakishe.”
Add Comment