Colombia tuita(2) chaka te 13 manuh ke moraishe

Bogota, Colombia: November 23, 2020. Sunday din Colombia laga tuita(2) chaka te 13 manuh ke morai thishe, koikena authorities para janaishe. Hamla kora chaka toh Antioquia department northwest aro Cauca, southwest te thakishe. Etu saal etu chaka te larai besi hoi ase koishe. January moina para loikena Colombia te manuh besi ke morai-kena ase, etu nemite 2020 saal toh sobse beya saal ase. 2016 saal te Revolutionary Armed Forces of Colombia (FARC) logot sign kora beche ase. Betania laga Antioquia town te, coffee pakan te kam kora 5 jun aro dosura tin(3) jun ke rati samai pakan pithor te moraikena thakishe, koikena authorities para koishe. Bantok thura manuh 10 jun neshina Gabriela farm laga dormitory pithor te ahikena “gooli marishe,” Betania laga mayor Carlos Villada para AFP logot koishe. Etu manuh khan ke morai dey toh drugs nemite linked hobo pareh koishe. Etu samai, chotu town Argelia, Cauca department te, etu manuh khan para he pool hall, bar aro rati club te komti hoilebi 5 jun ke moraishe aro 2 jun manuh jokom hoishe. Leftist rebels, National Liberation Army (ELN) aro kelaaf kora FARC members aro guerrilla group khan 2016 peace accord samai political party hoishe. Etu samai narco-traffickers khan para etu chaka te drug trafficking aro illegal mining oper te revenues nemite larai korishe. Cauca toh trafficking kora chaka osor Central America aro US osor te ase koishe.