Combined Annual Training Camp Shuru Hoishey, Sainik School Punglwa Tey

October 13, 2024, 04:24 PM : Itu Combined Annual Training (CATC-72) laga camp toh hoiley shuru hoishey, Sainik School Punglwa jaga tey, Nagaland laga, 11^th October, 2024 tey. Tatey pura puri 177 cadets khan thaki asey, St. Joseph College, Jakhama, Tetso College Dimapur, Dimapur Government College, Peren Government College aru Modern College, Piphema para, kun khan toh hoiley tatey participate kuri asey. Itu camp toh hoiley Officer Comanding Lt Col Amit Chaudhary, para inaugurate kurishey, tai para itu cadet khan ke address kuri thaka homoi tey, teamwork, discipline aru leadership foster kuriboley laga importance emphasize kurishey, participant khan laga bhitor tey. Itu 10 (dus) din laga homoi tey, 20^th October 2024 tak tey, itu cadet khan toh hoiley alag alag vigorous training kuriboley asey, itu NCC Curriculum laga hisap tey, kotey toh hoiley – drill, firing, map reading, camp siting, first aid aru itu logotey sports aru cultural event khan bhi loboley laga plan kuri kena asey.