Dimapur, 23 April: Dimapur, Chumoukedima aro Niuland Districts laga Combined District Planning and Development Board meeting toh Land Resource Centre, Ruzaphema te 22nd April 2022 te lowa thakise.
DC and V.Chairman DPDB Dimapur, Rajesh Soundararajan IAS para meeting te chaired thakise aro Advisor & Chairman DPDB Dimapur,, Zhaleo Rio para suru remarks deya thakise.
Dimapur para sob five legislators toh meeting te attend howa thakise aro short speeches deya thakise.
Five legislators para aji kali laga government te Dimapur para tuita notun Districts – Chumoukedia aro Niuland districts bona nemite thanked kora thakise. Legislators para officers ke notun bona districts nemite guide aro facilitate koribole kowa thakise.
Commissioner of Police Dimapur, Rothihu Tetseo para Dimapur te law and order situation opor te kowa thakise. CP hisab te traffic congestion aro road accident toh major challenges ase aro etu nemtie tai para legislators ke besi CCTV cameras toh district te debole nemite koise.
Deputy Commissioner Chumoukedima, Abhinav Shivam para Dimapur, Chumoukedima aro Niuland district toh Nagaland laga modern face nemite sob aspect te developed lakiya koise.
Meeting te agendas kotha kora te, nomenclature putli koribole Logos school to Footprints Academy te, Pillar school Diphupar A village to Amazing Grace mission center at Seithekima A village aro Dohron Kids Academy naam para notun school khulibole members para recommend kora thakise.
House para be schools laga ugradation nemite mana te – Govt. High School Lingrijan to Govt. Hr. Sec school Lingrijan. Ebenezer Public school, Sewak Lotha colony. NN Nagi school, Kuda village A- khel, GPS Ikishe Dimapur GHS aro Molvon to Govt. Hr. School Dimapur meli kena thakise.
House para be NOC laga submission te Nagarjan Road to Nimedo Sakhrie Road te naam putli koribole mana thakise. Mobile Dispensary Medical outreach service centre bonabole toh House para kotha kora bechite mana thakise.
Co- Educational Institute Berachah MPCS LTD bonabole toh verification report laga submission te manibole mana thakise. Society Registrations for Children’s hope library, Dimapur District Welfare society, Deaf community of Nagaland, Naharbari Dimapur aro Hemophilia society Nagaland chapter. Ayimti sector B Dimapur toh House para recommend kora thakise. Meeting toh chair para vote of thanks logote kothom kora thakise.
Add Comment