DIMAPUR,AUGUST 04,2020: Commissioner of Police Dimapur, Rothihu Tetseo IPS Dimapur Police 4th August 2020 Commissioner Police office Dimapur para bamboo barricades shuru kurishe.
Tai laga speech te Tetseo para Prime Minister Narendra Modi’s Atmanirbhar Bharat Abhiyan program, uporte kuntu laga aim toh India ke self reliant nation bonabole nimete ase locally available products khan chulaikena.
CP koishe ki Modi, laga vision toh dikhekena Dimapur police khan ekta idea olaiishe Bamboo Barricades khan chulabole nimete kile koile toh materials khan toh available thaka nimete bishi etu bi daam komti thaka bonabole nimete aro maintainance bi eman nathaka nimete etu ekla nohoikena local entrepreneur khan ke mondangor kuridikena Tetseo koishe.Bamboo barricades toh manu khan laga jeevan bachabole nimete chulabo aro traffic rules khan regulate kuribole nimete aro etu toh Dimapur police laga behalf te uthi thakibo.
Pandemic samay te Dimapur police khan mon dikena kaam kuri thakishe aro komti hoilebi 7 lakh kamai thakishe etu toh chuli ase aro etu cash toh challans para luwa toh government laga account te phutaishe.aro koishe etu huwa toh traffic party khan milikena kaam kura nimete ase tetseo para sob traffic personnal khan DCP traffic ke khushi paishe aro tai khan ke traffic regulation laga role uporte kotha kurishe.Tetseo para koishe judi apuni kaam mondikena kurishe koile toh apuni khan manu laga jeevan bachabole paribo aro etu toh bhal opportunity ase manu khan ke serve kuribole nimete .
Aro khobor dishe ki police khan barricadesd khan chulai ase plastic aro loha para bona toh bishi din para aro bamboo chulabole laga idea barricades nishena traffic management te modot kuribole nimete akhe wala hobo etu toh unit officer, T. Henthai Phom NPS, ACP Traffic Zone II para kura ase . CP Dimapur and DCP Traffic, Jatila, laga modot para etu project toh cp para formal launch kurishe.
Etu bamboo barricades toh Khari design Menuolhoulie Kire logote milikena bonaishe.Dimapur police khan para etu bamboo barricades toh chulabo aro collapsed wodden barricades toh alag alag purposes nimete chulabo etu te traffic assistance tool road safety purpose aro temporary traffic signs chulabo commuters khan ke khobor dibole nimete raasta laga condition uporte.
Etu program toh ACP Traffic Zone II, Henthai Phom para loishe aro Pastor, PBCD Levi Rhakho para dedicatory prayer kurishe.
Add Comment