February 19, 2025, 06:39 PM: Peren laga Fisheries & Aquatic Resources laga Department para ek din laga workshop organize kurishey, “Entrepreneurship Development in Commercialization of Common Carp (Cyprinus carpio) Breeding” opor tey, extension & training 2023-2024 (State Plan) under tey, Ramdi Thou Farm, Mhainamtsi, Jalukie tey, 19th February, 2025 tey.
District Fishery Officer (DFO), Peren, C. Dory Yanthan para ekta brief overview dishey, itu entrepreneurship development workshop laga, kotey tai para koishey ki, itu toh hoiley sensitize kuriboley laga objective thaki kena organize kuria laga thakishey, itu fish farmer khan ke, tai khan ke gyan aru skill khan provide kuri kena, keneka itu Common Carp toh successful para breed kuriboley paribo.
Itu Jalukie laga ADC – T.L Kiusumong Tikhir para itu program tey special guest hisap thaki kena, itu department ke naam uthai dishey, itu training organize kuria nimitey, itu sob para bishi potential aru energetic thaka maas farmer khan nimitey, itu valley tey. Tai para akha thaka laga express kurishey, ki, eneka nishina training toh hoiley bishi para benefit kuriboley asey aru bishi dangor impact kuriboley asey, itu fish farmer khan nimitey. Aru bhi tai para itu farmer khan ke encourage kurishey, tai khan laga dimak toh khuliboley, tai khan doubt khan kuri thaka toh clear hoboley aru itu training session para kiba idea loi kena jaboley.
Common Carp toh hoiley ekta bishi para manu khan khoboley bisara maas ekta asey, kuntu maas toh hoiley alag alag jaga khan tey bhi palishey koiley phaat para dangor hoi jai, aru itu maas laga bishi demand asey.
Add Comment