Computer giant IBM para China dey research aro development kaam rukhawo

Beijing, 26 August : US computer giant IBM para Monday (Aug 26) dey kuishey ki itu para China dey research aro development kaam rukhai diwo. Multiple employees para AFP ke kuishey ki taikhan ke Monday dey US executives ekta meeting homoi itu khobor janai dishey ki itu company para China dey research aro development team hatai dina alag desh dey operations lui jawo. Itu employees kuishey ki China dey 1,000 kaam logot bishi kati duwo aro najaney ki itu company kutey itu laga operations lui jawo. Itu firm China dey decades karney operate kurishey aro desh dey hazar manu ke employ kurey. Itu laga research aro development teams toh several sheher dey based asey Beijing, Shanghai aro Dalian milaina. Itu teams laga members kuishey ki taikhan ke weekend dey company laga server access kuriboley dianai. US-China tensions karoney numerous international companies khan para employees ke lay off kuria nahuiley taikhan laga China laga operations alag jagah dey relocate kurishey.