Agencies, 29 October: Sunday din health ministry pora khobor janaideya hesab deh, Congo jaga laga manu khan Ebola bemari pora dukh pai ase. Etu toh sanitary practices ektum komti howah pora ase. Beni laga city jaga deh etu bemari toh bacha khan logode ektum joldi lagise. Beni jaga deh 120 manu khan logode Ebola bemari laga deh, 30 jun toh 10-sal laga neji khan ke lagise aro 27 jun toh etu bemari pora morise koi-kena health ministry data deh janaideya thakise. Ilunga pora kowah toh, sob manu khan logode eki traditional healers jolaise. Aro bacha khan logode malaria thaga karni traditional healer’s jola pora Ebola bemari hoise aro olob time bechide morija thakise. Jai ja hapta time pora eastern Congo jaga deh Ebola bemari toh othi ase. Emergency World Health Organization committee pora be etu moina agae hapta phalli koikena thaga toh, etu bemari ke thek pora sainaja tak ketum beya hobole ase kowah thakise.
Congo deh Ebola bemari pora bacha khan ke dekthari
Add Comment