Congress aru TMC para CM Sarma ke accuse kurishey

GUWAHATI, SEPT 06: Assam Congress aru Trinamool Congress Thursday (September 5, 2024) tey Chief Minister Himanta Biswa Sarma ke Assam laga manu khan ke Assam Accord laga Clause 6 implementation opor tey misguide kuri thake la arop lagaishey. CM Sarma Wednesday (September 4, 2024) tey state kurishey ki Cabinet decide kurishey high-powered committee ekta Ministry of Home Affairs (MHA) para constitute kuri thaka aru retired judge Biplab Kumar Sarma para lead kuri thaka para 67 recommendations khan bana para 57 toh implement kuri bole Clause 6 ke shape dibole karne. Assam Pradesh Congress Committee (APCC) President Bhupen Kumar Borah kuishey ki itu toh khali ekta political ‘jumla’ (trite) asey aru Assam government toh khali proposals khan patha bole pare Central government laga jurisdiction nichey iku case karne. Alak side tey toh, Trinamool Congress leader Sushmita Dev state kurishey ki etu BJP-lead kura state government toh etu high-powered committee laga recommendations  khan sob public kuri dibo lage aru Assam Cabinet toh kineka  Central government laga kaam kure itu bi clarify kuri dibo lage. Dev, panel laga report itya bi officially public kuri bole thaki asey kuina state kura time tey, kuishey etu report toh MHA website nohoilebi Assam government laga website tey bi nai.