Congress chief Mallikarjun Kharge para government, manu kan keh dokai di shae kui shae

June 21, 2024: Friday din deh Congress president Mallikarjun Kharge para Bharatiya Janata Party (BJ)) government keh accuse kuri shae, state keh flood free bana bole kasam tho deliver nakuri nah manu keh dokai dia karne. “Assam deh taka situation tho ekdum bia ase. Lakhs nishi nah manu kan itia b affected ase, 15 districts kan deh aro 36 manu kan muri jai shae, itia tak. Congress kan Assam laka manu kan lokot deh solidarity deh uthi nah ase. Victims laka kandan kan keh mukan laka heartfelt condolences di ase. Modi Govt aro Assam Govt para prompt assistance, relief aro compensation  di bole mukan expect kuri ase,” Kharge para X deh liki shae. PM Narendra Modi-led NDA Government keh slam kuri nah, Kharge para etu kui shae,” Modi aro Shah para Assam keh ekta ‘flood-free state’ bana bole kasam kuri shae. Etu double engine kasam para state laka manu kan keh dokai di shae.” “Toss sal laka pitor deh, sob issue deh, Modi Govt kan khali misa kwa laka politics deh heh kili shae! BJP kan karne India duk pai ase,” Congress chief para post deh kui shae.