Guwahati | March 30: Prime Minister Narendra Modi pora March 30 te koise ki Assam aro aalag Northeast states khan toh bahar desh pora manu khan ahiya laga diktar pora dukh pai ase kile koile 1970s te Congress government pora bona policies khan nimite ase.
Gohpur te March 30 te ekta BJP rally te kotha korikena, Modi pora koise ki jowan manu khan pora bura manu khan ke hothibole laage ki kenika Congress pora Assam ke bar-bar thoka dise.
Congress pora hotai manu khan ke thoka dise, hoilebi etu ‘Chowkidar’ toh terrorism, corruption aro bahar desh pora manu khan logaikena ahiya logote khilaf larai koribo, Modi pora koise.
Nation nimite laab hobo phabana korikena Jan Sangh aro Atal Bihari Vajpayee nisina ekdam bhal leaders khan pora Bangladesh ke tai khan laga independence movement samoy te modot korise, etu prime minister pora koise.
Indira Gandhi toh 1971 te Pakistan pora Bangladesh independent howa samoy te India laga prime minister karne thakise.
BJP pora Congress president Rahul Gandhi laga ‘chowkidar chor hain’ campaign ke hasai dibole 2019 election nimite ‘Main Bhi Chowkidar’ campaign shuru korise.
Add Comment