Congress kan ekso laka upor ghor kan bana bole ase, Wayanad deh

August 2, 2024: Leader of Opposition, Rahul Gandhi para Friday din deh, Congress kan Wayanad deh ekso laka upor ghor kan bana bo kui nah announce kuri shae. Tai para Kerala tho enaka tragedy kitia b witness kura nai kui shae aro tai etu issue deh Delhi deh b utha bo kui shae. Congress leader tho itia Wayanad deh relief camps kan keh visit kuri ase. Wayanad deh teentha major landslides hua tho 275 laka upor manu kan muri jai shae aro ghor kan bishi bangi jai shae. “Mui yeteh khali taki shae. Mui khali kwa nishi nah, etu tho ekta bia tragedy ase. Mukan site deh jai shae khali. Mukan camps deh jai shae, situation tho bhal para sai shae. Aji mukan, administration aro panchayat keh mili shae. Taikan para kiman casualties expect kuri ase, kiman ghor kan bangi shae aro taikan laka strategy kan kui shae mukan keh,” Rahul Gandhi para kui shae. Lok Sabha MP para landslide para kura destruction keh sab oleh duk taki shae kui shae aro taila baba keh mura time deh kinaka feel kuri taki shae, etu nishi nah feel kuri taki shae kui shae, sah time deh. Tai, Congress general secretary Priyanka Gandhi lokot deh alak alak camps kan visit kuir shae. Priyanka Gandhi tho Wayanad para Lok Sabha candidate ase kui nah announce hui nah ase.