‘Congress kan mati, pani aro asman deh scams kan commit kuri shae’: PM Modi

May 2, 2024: Thursday din deh Prime Minister Narendra Modi para pre-2014 Congress-led government keh accue kuri shae mati, pani aro asman deh scams kan kura karne. Gujarat laka Surendranagar deh ekta public meeting keh address kura time deh, PM Modi para 2G scam, coal scam, Commonwealth Games nishi nah hua scams kan manu keh yat kuri shae, kuto Congress kan power deh taka time deh hui shae. Congress party keh slam kuri nah, PM Modi para manu kan keh, taila 10 years government deh eku scam laka kotha huni shae nah nai hudi shae. “10 years agae deh, mukan laka country kan sorom kai taki shae, crore nishi nah poise lah scam taka karne. Scam kan kobor laka headline napa nah tho ek din b taka nai. Congress kan scams kan kuri shae mati, pani aro asman deh. Enaka dire situation deh, apni kan muike Centre deh patai shae. Apni kan kubi, apni laka bacha lokot deh proud ase nahoi? Etu tos sal deh ekta scam laka kobor b huni shae?” PM Modi para kui shae.