ITANAGAR | April 3: Congress laga maksat ke “dhakosla patra” (misa laga kotha) ase koikena, Prime Minister Narendra Modi pora Wednesday te Congress ke bodnam korise ki 60 lamba saal te Northeast laga manu khan laga iccha ke pura koribole pariya nai.
Hoilebi tai nijor laga government pora Arunachal Pradesh aro Northeast India ke East Asia laga darwaja karne bonaibole maksat ase, Modi pora East Arunachal Pradesh district laga General Ground te ekta Lok Sabha election rally te koise.
Tai pora koise ki ekta ghor pora desh te 55 saal raj korise tai khan pora Arunachal Pradesh aro aalag northeastern states khan nimite kam korise koikena kobole kotha ekta bi nai.
Ekta example loikena, tai pora koise ki 2004 te Congress maksat te desh laga pura ghor te 2009 laga bithor te electricity dibo koikena wada korise. Hoilebi, tai khan toh 2009 te etu wada aro tweibar korise.
2009 te, tai khan pora koise ki urban areas(cities, town) te 100 per cent ghor khan te aro rural areas(bosti) te 90 per cent ghor khan te electricity connection dibo koikena wada korise.
Hoilebi 2014 te moi khan laga government power te ahiya samoy te 18,000 bosti khan te electricity naponchi kena thakise, tai pora koise.
Hoilebi BJP government pora etu sob 18,000 bosti khan te khali 1000 din bithor te electricity lagai dise, tai pora koise.
Tai pora koise ki BJP toh sob jaati laga culture, tradition aro history ke pajaibo nimite khara kori ase.
Arunachal Pradesh te tweita Lok Sabha seats aro 60-member Assembly toh April 11 te election lobole ase.
Add Comment