Congress Leader: June laga poila hafta te Rahul Gandhi Wayanad jabole ase

THIRUVANANTHAPURAM: 

Monday te Congress leader koishe Congress President Rahul Gandhi toh June laga poila hafta te Wayanad te jabole ase. Kerala te etu bar laga Lok Sabha seat nimite record breaking electorate paa nimite dhanyabad dibole jabole ase.

Opposition leader Ramesh Chennithala para Congress-led United Democratic Front (UDF) ke sob para poila bar lok kura pichete Lok Sabha polls te ekdam dangor para jeeta pichete koishe ke state te ekta seat chari kena 20 seats jeetishe.

Source koishe Rahul Gandhi toh Saturday nohoile bhi Monday te Wayanad te visit kuribole pare.

Mr Gandhi toh poila laga sob Lok Sabha elections para etu bar toh sob para dangor margin para jeetishe. Etu bar laga Lok Sabha te Mr. Gandhi toh 431,770 votes paishe. Mr. Gandhi laga khilaf te khara kura candidate P.P. Suneer toh 274,597 votes paishe. P.P. Suneer toh Communist Party of India para ase. Aro Mr. Gandhi toh 706,367 votes paishe.

Mr Chennithala  koishe etu ekdam dangor jeet para ami khan opor te aro bnhi bishi zimadari ani dishe. Aro ami khan vaada kuri ase ke etu jet toh ami khan laga matha te najabo. Aro ami khan toh hodai state te thaka manu khan nimite kaam kuribo.