Imphal, March 22 : Manipur laga 10ta political party laga INDIA Bloc alliance para Friday din te duita Lok Sabha seat – Outer Manipur Parliamentary Constituency (scheduled tribe nimitey reserve thaka) aro Inner Manipur Parliamentary Constituency announce kurisey.
Manipur te duita Lok Sabha seat asey aro April 19 aro April 26 te duita phase te election jabole asey.
Manipur Pradesh Congress Committee (MPCC) laga duita leader, Alfred Kan-Ngam Arthur, Ukhrul assembly constituency laga former MLA aro Dr. A Bimol Akoijam, School of Social Sciences, Jawaharlal Nehru University (JNU) laga ekjun former associate professor ke INDIA Bloc laga candidate select kurisey.
Etu announcement tu MPCC President Keisham Meghachandra para Friday din te Imphal laga Congress Bhavan te huwa ekta press conference te kurisiley.
Alfred Kan-Ngam Arthur kun MPCC laga Vice president bi asey tai tu Outer Manipur Lok Sabha seat (ST) laga candidate hobole asey aro Dr. A Bimol Akoijam tu Inner Manipur PC laga.
INC (MPCC), AAP, AIFB, AITC,CPI,CPI(M), JD(U), NCP, RSP, SS(UBT) khan bi press conference te candidate laga naam announce kora homoitey mojud thakisey.
Add Comment