New Delhi, 25 November: Monday morning Congress parliamentary strategy group meeting toh interim president Sonia Gandhi’s 10 Janpath residence deh loise.
Meeting deh besi Congress leaders ahiya khan majode Adhir Ranjan Chowdhury, Ghulam Nabi Azad aro KC Venugopal be thakise. Etu toh hoile Parliament laga winter session nemide agae naja agae deh ase.
Party leader Gaurav Gogoi koise, “Ami khan para sob kotha korise besi phak Maharashtra deh samaan korikena. Ami khan aji Parliament deh raise kuribo.
Congress leader K Suresh koise, party para Parliament deh Maharashtra laga political chamela nemide kotha olabo.
Tai koise, “Ami khan ektum mondekena Maharashtra laga issue opor deh kotha olabo. Ami khan tuita house deh be khara kuribo. Government para democracy toh Arunachal para Goa, etiya Karnataka para Maharashtra beya kori ase. Ami khan para etu opor deh parties logode kotha korise”.
Sunday din Supreme Court para Maharashtra government, state Chief Minister Devendra Fadnavis, deputy Ajit Pawar aro Centre ke notice deya thakise. Etu toh hoile MLAs laga documents aro support kora letters toh November 25 direk 10 am para debole janaideya thakise.
Congress, NCP aro Shiv Sena majode non-BJP government bonabole final stage deh ponji thaga time deh BJP para Saturday morning government bona thakise. Etu toh hoile second par nemide Fadnavis chief minister nemide aro Pawar Deputy Chief Minister nemide wada kori kena thakise. Etu para tinta party Congress, NCP aro Shiv Sena ke ektum ashrut bonai deya thakise.
Jowah moina Maharashtra deh assembly polls lowah time deh BJP para 288-member assembly laga ke 105 seats jeta thakise. Etu bechide Shiv Sena 56, NCP 54 aro Congress 44 thakise.
Add Comment