Congress tho mesa koi kina jitishey: CM Nayab Saini

Chandigarh, June 6: Haryana chief minister Nayab Singh Saini pra Thursday dae koishey ki Congress tho Haryana dae paanchta seat jitiwoley parishey kentu tikhan mesa koishey ki BJP tho wapas Centre dae ahiwoley parishey hoiley etu pra reservation hatai diwo aro Constitution bodli kuri diwo. Saini kun kae March 12 dae chief minister huishey, tai tho Karnal assembly seay lah by-election jitishey kutu jua mohina luishey. Kitya hutishey ki kiley Congress lokot paanchta seats harishey, Saini pra koishey “Amikhan pra kali MLAs aro Ministers lah meeting luishey, etu election dae Congress tho mesa lah support luishey”. Tai pra koishey ki Congress pra mesa kuwoley parishey ki Modi ji tho third time Prime Minister hui jailey, etu Constitution tho boldi kuri diwo aro reservation kotom kuri diwo. Haryana Assembly polls nuhua agey dae, Saini pra koishey ki BJP workers tho sob SC community lokot miliwo aro sob khor visit kuriwo aro Congress lah propaganda expose kuri diwo.