Guwahati: India te 14 opposition parties oper te Congress aro Trinamool Congress (TMC) para Friday din Parliament te Constitution Day celebrate kora toh boycotted korishe. Congress, Left, TMC, RJD, Shiv Sena, NCP, SP, IUML aro DMK para Friday din Central Hall, Parliament te Constitution Day function toh boycotted thakishe. Congress para November 25 darik parliamentary te group meeting thaka samai boycott koriboli fesla loishe. Congress MP Manickam Tagore para NDTV logot koishe ke, “etu government- BJP toh Constitution logot respect nai. Tai khan para Constitution hesab te kam nakori. Etu toh hoile PR event ase aro 2019 saal te soruh howa ase.”Etu samai BJP para opposition logot Parliament te Constitution Day event boycott kora nemite kelaaf korishe. “14 Opposition parties para Parliament te Constitution Day celebrations samai boycott kora toh hoile Constitution of India ke respect nai. Etu hesab te Congress toh kali Nehru family laga leaders logot respect ase, hoilebi dosura leaders neshina BR Ambedkar logot respect nai,” koikena union minister Arjun Ram Meghwal para etu kotha toh janaishe. Etu samai, Constitution Day toh Parliament te Central Hall te celebrated korishe. President Ram Nath Kovind, vice president M Venkaiah Naidu, Prime Minister Narendra Modi, Lok Sabha Speaker Om Birla aro dosura manuh besi etu event samai samil thakishe.
Add Comment