Congress toh tai laga Board of Peace lagea: BJP

New Delhi, January 24, 2026: BJP para saturday te koi she ki, congress khan Board of Peace bana bole lagea, tai khan laga house toh order te ahne bole karne. Congress khan laga betor te jakara ola laga khobor hesab para tai khan enia koi she. BJP para report de she ki, Jharkhand laga Congress khan laga betor te jamala ola ase, Karnataka, Punjab aro Himachal Pradesh khan te factionalism ola neshe na. Jharkhand laga pasta Congress MLA toh party laga president Mallikarjun Kharge ke lok pai she Friday te, aro demand kure she Ministerial berths khan review kure bole karne, BJP national spokesperson Shehzad Poonawalla para enia post kure she X te. Tai para aro koi she ki, Kerala te Tharoor vs Congress piche te, etia toh Jharkhan te  Congress vs Congress. US President Donald Trump para tai laga Board of Peace toh shuru kure she, etu laga kam toh Gaza te peace ahene bole karne ase koi she.