Congress:Fuel daam aro unemployment nemite 10-din protest koribo

June 25, 2021. Congress para janaishe ke government para public logot hesab nathaka nemite July 7 darik para 17 darik dak desh pura protest campaign thakibo. Interim party chief Sonia Gandhi para chaired hoikena General Secretaries aro state in-charges pithor te meeting korishe. General Secretary-Organisation, KC Venugopal para koishe ke, “manuh logot hesab nathaka te aro corobavirus bemari samai unemployment aro salary kathi-thaka nemite Congress party para desh pura Block, District aro state levels te protest koribo. Etu programmes toh state unites khan para July 7 para 17 darik pithor te bonabo.” Congress para desh pura te protest kora samai Mahila Congress, Youth Congress aro dosura frontal units, block level, leaders aro workers khan para district level te Cycle Yatras thakibo. Leaders aro workers khan para processions toh state level te signature campaign toh desh pura petrol pumps te petrol aro diesel laga daam komti koriboli thakibo. Venugopal para koishe ke, party laga aim toh tangor movement thakibo, keli koile etu para ruling BJP-led NDA government logot pressure thikena fuel aro gas laga daam nemite bemari samai economic komjur aro unemployment besi hoi thaka nemite manuh laga duhk toh janiboli thibo. AICC lok kora te urgent issues neshina pulses, edible oil aro ghor laga saman te daam besi otha nemite aro hotai din petrol aro diesel daam othi-thaka te May 2 darik para soruh hoikena Modi government fuel daam toh 29 paar othaikena ase. 150 cities neshina te petrol laga daam toh liter te Rs 100 pongchise. Congress para koishe ke, Modi government para petrol 1 litre te  Rs 32.90 aro diesel 1 litre te Rs 31.80 excise loi ase aro central government toh jowa 7 saal pihtor te Rs 22 lakh crore petrol aro diesel excise te kamaikena ase koishe.