Conman Sukesh laka case te twist, actor Jacqueline Fernandez approver turn kuribo leh bisari shey

Delhi, 17 April 2026: Ekta major twist te money-laundering case te alleged conman Sukesh Chandrashekhar against te, actor Jacqueline Fernandec pra recently ekta Delhi Court ke koishey ki tai approver turn kuribo mon ase matter te. Court pra taike janai dishey ki tai toh formal request kuribo lagibo Enforcement Directorate (ED) ke same karne. Procedure hisap te, inika request toh banabo lageh probe agency lokot, kun taile statement record kuribo aro etu hoina decide kuribo whether application toh move kuribo banai court te taike approver banabo leh. Development toh ahishey months pichideh Supreme court pra mana kura pichideh criminal proceedings cancel kuribo leh Jacqueline against te case te.
Chandrashekhar, kun currently lodged ase jail te connection te multiple cases lokot, consistently claimed kuri shey actor laka mota hubo leh. Tai pra taila affection expressed kuri shey actor karne multiple occasions te taike letter phatai kina jail pra, often special occasion te. Leaked pictures pra suggest kureh taijun ekjun ekjun ke janeh koina, hoileh b Jacqueline pra claimed kuri shey taike misled kuri shey Sukesh pra bisas kuribo leh ki tai toh legitimate businessman thaki shey koina.