Florida, 17 July : Legendary singer aru actor Connie Francis, jun famous hoi thakise Pretty Little Baby, Stupid Cupid aru Mama juna gaana karone, Thursday din mur jaise. Ta laga umar 87 saal thakise aru hospital te admit korise ‘extreme pain’ karone. Pretty Little Baby laga singer Connie Francis July 2 te hospital te admit hoise kuina janai dise, aru test cholise kuina koise. Ta laga maut laga khobor ta laga sathi Ron Roberts Facebook te confirm kori dise.
Connie laga maut itu time te aise, jitu time te ta laga 1962 te release kora hit gaana Pretty Little Baby online te viral hoise, especially Instagram aru TikTok te, aru notun audience ke reach kori ase.
1950s te Connie famous hoijai thakise aru bisi chart hits thaikise, jiman Stupid Cupid, Lipstick on Your Collar, Who’s Sorry Now aru Where the Boys Are. 1958 te Dick Clark laga American Bandstand show te perform korar pichhite, ta laga cover song Who’s Sorry Now ekdam popular hoijai, UK te number one hit hoijai aru ek million copy beshi sell hoise.
Ta autobiographies duta publish kori thakise — Who’s Sorry Now? 1984 te, aru dusra Among My Souvenirs 2017 te. 2018 te, Connie Francis public spotlight para ekdom pichhi loi jaise.
Add Comment