Constable maiki ke murai kena nijor ke bi muraishey

Guwahati, Sept 02: Police constable ekta Lakhimpur, Assam tey reportedly tai laga maiki ke murder kurishey aru pichey suicide para murishey Monday din tey. Constable (Lance Naik), Basanta Saikia kuina chini paa, report kura nishena tai laga maiki ke murder kurishey tai nijor ke na mura agey  dekhi paa nishena ghor laga ghagra ekta tey, police report ekta kuishey.  Etu family toh Assam, Lakhimpur tey Barbocha area  tey buha manu thakishey. Hatsa toh jaani bo paishey jitya phujor juldi tey tai khan laga bacha khan tai khan laga amma baba laga lifeless gao khan dekhi paishey. Shuru shuru investigations khan laga hisab tey, Basanta Saikia dao (machete) ekta chulaishey tai laga maiki ke mura bole aru nijor laga life khotom kuri bole poison khaishey kuina suspect kuri asey. Police khan kuishey ki tai khan glass ekta paishey dead bodies khan logo tey. Tai khan kuishey ki glass tey thaka saman toh poison hobo pare aru forensic report ekta pichey he thik para jaani bo pabo.  Tai khan investigation ekta launch kuri dishey itu case tey aru dao aru suspect kuri thaka poison thakiya glass ekta bi loi loishey.  Etu hatsa toh family ghagra ekta para result kurishey kuina suspect kuri asey, aru agey details khan toh rukhi thaki asey. Agey Saturday tey, police officer ekta jokhom huishey constable ekta Assam laga Dibrugarh district tey Bogibeel outpost tey suicide kuri bole koshish kuri thaka para rukha bole koshish kura time tey. Etu hatsa toh itu phujor hoishey jitya Constable Pranjal Borah, report kura nishena ghor ghagra ekta pichey upsos hui kena, outpost tey revolver ekta logo tey ahishey. Tainijor ke mura bole koshish kurishey, hoilebi Inspector Tirtha Chetri, etu outpost laga in-charge, beech tey ahishey hatsa toh rukha bole. Itu rukha koshish tey, Chetri jokhom paishey. Jokhom hoa officer toh itya medical treatment loi asey AMCH tey. Constable Borah arrest hoishey aru under investigation asey. Local residents khan report kurishey ki Borah aru tai laga maiki la beech ghagra hoa toh tai ke bishi emotional dukh dishey, kuntu para itu hatsa de result kurishey. Outpost in-charge thik time tey beech