Chumukedima, 04 April: Triobal Hohos aro Organisations logote ekta consultative meeting toh Rhododendron Hall, Chumoukedima jaga te 4th April 2022 te loise. Chief Secretary, Nagaland, J. Alam, IAS para sob members ke welcome korise aro tai khan 30 saal naponja bechite, AFSPA (Armed Forces Special Powers Act) toh Nagaland laga certain areas para hataise koise. AFSPA toh pura puri tinta 3(three) Districts para hataise, olop jarta 4 (four) Districts para hataise koise aro ahibole din te agae progress hobole hope ase koise.
Chief Minister, Neiphiu Rio para sob stakeholders toh draconian law- AFSPA hatabole nemite appeal korise koise aro Government of India para last te manu laga appeals te honishe koise. State Government para ekta 22 member Special Investigation Team (SIT) toh Oting hatsa te investigate koribole nemite bonaise koise. CM para SIT laga members ke tai laga prompt action investigations lowa nemite aro tai khan laga preliminary reports submit kora nemite congratulate korise. Ketiya report submit hoise aro case filed hoi, report laga contents toh public ke janai debo koise. Centre para be SIT bonaise aro tai khan para be tai khan laga report submit korise koise. CM para AFSPA pura hatabole samai toh lobo pari koise hoilebe olop AFSPA hata toh ekta test ase koise. Etu kaam alga samai te, CM para judi law aro order toh control koribole napara thakise koile AFSPA toh aro ahibo pari koise. Tai para Government logote co-operation nemite appeal korise eku hatsa howa nathakibole ensure koribole nemite. Tai para sob stakeholders ke appeal korise State te kenaka law and order maintain koribo etu opor te seriously bhabona koribole nemite. Naga solution toh sob Nagas nemite, tai para Nagas toh sense of unity aro oneness thakibole aro nejor demands te selfish nahobole koise. Tai para CSOs, Tribal leader aro student bodies te tai khan laga hotai cooperation aro support Government logote thaka nemite dhaniyabad janaishe.
Add Comment