Manipur, May 29: Past dui din, Manipur deh biya para continuous pani girishey aro etu para normal life toh rukhai dishey, flash floods, mudslides aro landslides kan para state pura deh haalchal mahai dishey.
Ekta proper drainage system nathaka karney Manipur laga valley areas deh flash floods hui ase. Hoilibi, etu situation toh ekta severe turn loishey major rivers like Imphal River aro Nambul River para breach kurina; continous pani gira laga karan.
Etu river Kan para overflow huina khali road Kan he nohoina residential ghor Kan, government office kan aro quarters laga bitor deh bi gushishey. Valley area laga majority toh itya underwater deh ase.
East Imphal district deh, Imphal River toh overflow huishey near Lamlong Bridge aro etu para impact kurishe Khurai, Soibam Leikai, aro Porompat laga area kan deh, enaga kurina extensive flooding lead kurishey. Lamlong Keithel deh bi affect huishey aro floodwater kan toh Lamlong-Pangei road tak overflow huina observe kurishey.
Etu peche deh flooding toh Heingang, Hatta Golapati Maning Leikai deh aro Kekrupat osor deh bi occur huishey Imphal River deh overflow hwa karney, Etu inundation toh North AOC aro surrounding areas tak extend huishey enaga kurina Khoyathong traffic point tak punjishey.
Aro area kan bishi, Sagolband, Kakwa, Thangmeiband, Kwakeithel, aro Uripok deh bi flood huishey. Irang Bailey Bridge Imphal-Jiribam highway deh taka bi collapse huishey around 4:30 pm kali evening deh. Etu karan trucks kan Imphal jai taka toh stranded huishey.
Add Comment