Itu Tening Sub-division Examination Centre Committee laga ekta coordination meeting loishey, kuntu toh hoiley Government Higher Secondary School Tening tey para loishey, 3rd February, 2025 tey. Itu meeting toh hoiley itu Additional Deputy Commissioner & Examination Centre Committee Tening laga Chairman – K Furhesie Nyuwi laga chairmanship under tey loishey.
Itu di kena thaka agenda khan toh hoiley discuss kurishey aru resolve kuridishey.
Security arrangement khan/ action loboley asey, Tening Police Station laga OC para, poisa khan contribute kuria laga bosti council khan aru Tening Town council khan para, answer script khan transport kuriboley karney, Peren Post office tey. Itu contribution toh hoiley itu VCC union President para kuriboley lagey, itu bosti laga council khan nimitey aru itu toh hoiley 7th February, 2025 tak positive para complete kuriddiboley lagey.
Bahar thaka student khan ke modod kuriboley, GHS Nsong para, ekta Forest Department quarter toh hoiley arrange kurishey, accommodation nimitey. Itu Tening laga Assam Rifles ke request kuria nishina, tai khan toh hoiley pani diboley karney agey ahishey, pani laga tanker para, duita location khan tey, Forest department quarter housing HSLC students aru HSLC Centre tey, GHSS Tening tey. Itu house para toh hoiley, itu Power Department ke bhi request kurishey, thik thaka power supply ensure kuriboley karney, itu homoi tey.
Shanti laga atmosphere maintain kuriboley, itu examination laga homoi tey, itu Tening Town ward councillor khan, GB khan aru Tening Town youth Organization (TTYO) khan toh hoiley lagi thaka measure khan loboley asey, ekta shanti laga environment ensure kuriboley karney.
Itu house para aru bhi, request kurishey, ki ki laga program nahoiley event khan avoid kuriboley karney, itu examination schedule thaka laga homoi tey, kuntu toh hoiley student khan ke disturb kuribo parey, koi kena.
Add Comment