Dimapur, 04 June: Nodal Officer for Covid 19 DImapur district, Y.Kikheto Sema, IAS para Health workers aro Mediziphema laga public khan ke gara, daiyar aro unity logote kaam koribole koise aro tai para be ami khan ke Corona para kamiyab hobole namanibo koise.
Tai para etu kotha toh 4th June 2021 te Community Health Center Medziphema, toh 20 bedded Covid Care Center te janaideya (declaration) samai te koise. Tai para 3Cs ( Cooperation, Coordination aro Contribution) toh corona kelaaf fight nemite lakiya koise. Aro ami khan Corona ke toh ‘I’ nahoi kena ‘We’ logote fight koribo laki koise kelay koile I toh illness nemite ase aro W toh wellness nemite ase koise.
17th May 2021 te Medziphema te last lok kora samai te positive cases 86 te thakise koikena Sema para etiya 348 positive cases ase koise aro manu khan rumours te nahoni kena vaccinate koribole encourage korise.
Team DImapur te Sema para led korikena CCC Medziphema te systematic daiyari kora opor te ektum impressed howa thakise aro etu nemite nodal officer para SMO, CHC Medziphema, Dr.N.Sezo aro team, administration aro Medziphema laga citizens ke pura credit deshe.
Kikheto para appeal korise judi apuni humanity te olop investment nahoile motob debole monn ase koise etu toh thek samai ase tusara khan ke motob koribole koise. Tai para be zero tolerance toh thakibo judi frontline workers besi phak Health workers ke key para hoilebe dekthari deya thakise koile koise.
Health workers aro Medziphema laga manu khan ke melikena Covid war te kamiyaab nemite mentally daiyar hobole monn dangor korikena Sema para “Team Dimapur toh Isor laga ashirbad para gara thaki ase aro ami khan larai te kamiyab koribo koise”.
Add Comment