Agencies, 26 July: Sunday te Prime Minister Narendra Modi para sob ke hosiyar janaise coronavirus pandemic kelaaf te guard toh na-namabo nemide. Tai koise, India te coronavirus patients laga recovery rate toh tusara desh para be phal ase. Tai para be koise, India te mora laga rate toh tusara desh para komti ase. Hoilebe tai koise, virus toh poila nesana deadly ase aro khatara kothom hobole dur ase. PM Modi koise, “Coronavirus laga khatara toh kothom hobole dur ase. Besi jaga te, virus toh besi joldi pheli ase. Ami khan extra hosiyar hobo lakae. Ami khan yaat rakhibo laki coronavirus laga deadly aji thaka toh poila nesana he thaka. Etu para ami khan ektum hosiyar hobo laki”.
Sunday din Mann Ki Batt te besi topics te kotha kora te coronavirus pandemic be ekta thakise.
Sunday din etu lekha samai te, 48,661 manu ke coronavirus nemide positive test powa thakise. Etu para total cases toh 13,85,522 te ponja thakise. Infection karni para 32,063 manu mora thakise. Covid patients recovered toh 8,85,576 thakise aro active cases 4,67,882 thakise.
Add Comment