Coronavirus toh bahar saaman te 28 din jinda thakibo pareh

Brisbane, Australia: October 12, 2020. Coronavirus para Covid-19 ola toh saman neshina banknotes aro phone te 28 din thanta aro anthera ckaka te 28 din thakiboli pareh, koikena Australia’s national science agency laga study hesab te janai thishe. CSIRO’s disease centre te researchers khan para SARS-CoV-2 toh anthera chaka te tinta(3) temperatures te keman din thakiboli laga test korishe, etu samay virus toh korom te tai thakiboli rate toh komti hoo koishe, koikena agency para Monday din koishe. Scientist para khobor paishe ke, 20 degrees Celsius (68 degrees Fahrenheit), te SARS-CoV-2 toh “besi takra” bahar neshina mobile phone screens te, aro tai 28 din nemite glass, steel aro plastic banknotes te jenta thakibo.  30 degrees Celsius (86 degrees Fahrenheit), te tai thakiboli sdin toh 7 din komti hoi jai, aro 40 degrees Celsius (104 degrees Fahrenheit te 24 gonda he jenta hoboli koishe. Virus toh cotton te sobse komti temperatures te 14 din thakibo aro sobse besi te 16 gonda neshina thakibo, koikena researchers para koishe. Boila study kora logot be etai laga te virus toh lamba din thakibo pareh, boila toh 4 din thakishe, etu khobor toh Virology Journal paper te olai thishe. “etu khobor toh virus para manuh logot lakiboli pareh kowa nahoi”. Tai para public broadcaster ABC logot janai thishe. Tai paa aro koishe ke, judi “nejane-kena kolti te manuh para etu saman te joikena, hath licked korishe nohoile eyes aro nose te choise koile toh tui hafta neshina te bemar hoboli koishe.