New Delhi: Valencia (Spain) te COTIF Cup 2019 laga tournament te Indian women’s football team khan pora ektam phal khili kena sob manu ke khushi bai dise ki tournament’s president pora tournament khotam howa somoy te tai khan ke special third-placed trophy dibole ektam khushi paise.
COTIF Cup te India khan pora jarta matches khilise, tade taikhan pora duita (3-1 pora Mauritania laga khilaff aro 7-0 pora Bolivia laga khilaaf te) chitise aro duita (0-2 pora Villarreal aro Spain U-19 logot) te harise.
Etu result te, Indian khan tournament te sobse phal pora khotam hoise – third place, oetu logot te aro Fair Play Award bhi paise.
“Moi khan laga performances toh etu bar sobse phal dhakise, aro etu tournament laga organizers khan pora bhi dekhi loise,” India head coach Maymol Rocky pora koise.
2018 edition pora loi kena ektam tangor improvement dhakise aro COTIF President Eliseu Gomez Tormos pora etu dekhi kena ektam khushi paise ki India team khan ke nuton third-place trophy dibole karne faisla kurise, etu toh Miki khan laga tournament te ekbar bhi na diya laga.
COTIF President pora India team khan ke tournament biche te personal te congratulate kuribole koise.
“Moi khan phal pora khiliya laga award paise, hoile bhi third jaga laga team khpan karne prize toh dhakiya nai. Hoile bhi, last match laga din biche te, local organisers pora moi khan ke trophy dise, aro COTIF president bhi moi khan laga pass congratulate kuribole ahise,” Rocky pora etu bhi koise.
Add Comment