May 27, 2024 : Itu COTPA flying squad team, kun toh hoiley O/C para lead kuria laga asey, Wokha PS laga, itu National Tobacco Control Programme (NTCP) laga staff, District Administration (DBs) laga representative khan, Lotha Student’s Union tai khan laga President Lirhonthung Kithan para lead kuri kena, Women Police personnel Wokha, itu khan sob laga staff khan logotey mili kena enforcement drive/ raid conduct kurishey, tobacco product khan laga sell kuria tey, educational institution laga aas paas laga jaga khan tey, 27th May, 2024 tey.
Itu raid laga homoi tey, itu team para 13 defaulter khan ke penalise kurishey, (Under COTPA Section 6A aru 6B) under tey, tobacco laga product khan sell kuria nimitey aru itu tobacco laga product khan seize kurishey, itu dukan khan para kun khan ke dhurishey, itu restricted area bhitor tey thaka khan laga. Itu defaulter khan ke penalise kurishey (Violators under COTPA Sec 6B) Rs 200/- laga fine logotey. Itu team toh hoiley phat phat para eneka nishina raid toh conduct kuriboley asey aha din khan tey bhi, koishey.
Add Comment