April 27, 2021. Cotton University te university’s zoology department laga professor ke Covid-19 positive tested thura nemite loi-thaka semester-I exams aro undergraduate courses toh postponed korishe. Assam’s Kamrup (Metro) district te Covid-19 cases besi othi-thaka nemite university authorities para exams toh suspend koriboli fesla korishe. Khobor para koishe, April 24 darik university campus te professor toh exam samai invigilator thakishe. Cotton University te students aro staff manuh khan logot be bemar toh thurikena thakibo koikena alarm hoishe. Monday din para undergraduate courses aro BA Liberal Arts exams toh postponed korishe, koikena Cotton University para order te janaishe. Baki exams loboli toh itya halat toh bhal/normal howa beche students khan logot janai thibo koishe. Sunday din sob melaikena 1844 manuh logot positive tested thurishe, etu pithor te 791 manuh toh Kamrup (Metro) district para ase. Sunday din Assam laga desh pura te virus bemar para 14 manuh morishe koishe.
Cotton University laga exam postponed hoishe
