Delhi, October 17, 2024: Indian armed forces deh serve kura couple ekta eki din deh suicide kuri nah muri di shae, Tuesday din deh. Mota tho ekta Indian Air Force (IAF) flight lieutenant taki shae aro miake tho ekta Army captain taki shae. Maike para ekta suicide note b liki nah chari di shae, taila mota lokot deh joint cremation kuri b kui nah.
Couple tho eki din deh muri jah tho police kan shock hui jai shae. Mota tho Agra deh taki shae aro taila maike tho Delhi deh taki shae, The Times of India para report kuri shae.
Couple tho Deen Dayal Deep (32) aro Captain Renu Tanwar ase kui nah identify kuri shae. Mota, Deen Dayal Deep tho Kheria Air Force Station deh post hui nah taki shae, Agra deh, Maike Renu Tanwar tho military hospital deh post hui nah taki shae.
Captain Tanwar tho Delhi Cantonment deh taka officers’ mess deh muri nah pai shae. Deep laka colleagues para taila body tho taila residential quarters deh hang kura pai shae, Agra deh taka Air Force station deh.
Police para ekta suicide note recover kuri shae. Note tho Tanwar para allegedly liki shae. Note para taila mota lokot deh joint cremation kuri bole request kuri shae. Hoile b taila mota laka residential quarters para enaka suicide letter tho pa nai.
Agra ACP Mayank Tiwari para postmortem kura tho asphyxiation karne muri shae kui nah janai di shae kui shae. Taila kandan tho Agra deh jai taki shae aro Deep laka death deh kun bah idea d b pareh, police kan keh.
Add Comment