Spain, 15 April 2025: Spanish authorities khan pra ekta couple ke dhuri shey kun online te exotic billi khan bikai thaka suspect ase. Bachai thaka species white tigers, pumas aro clouded leopards khan nishina milai kina. Civil Guard police khan couple laka ghor raid kuri shey Majorca laka island te taikhan jani pa pichideh taikhan rare feline species ase aro breed kuri ase. Etu hoi kina taikhan social media te bikai deh.
Total te, 19 felines paishey property te aro agents khan pra bachai dishey. Caracal thaki shey, duita servals aro 16 hybrid felines. Civil Guard khan pra koishey etu jani pa toh khali chutu mutu ase global criminal organisation laka breeders, transporter aro vets khan involve kuri kina. Bishi wala janwar bikabo leh offer toh Russia, Belarus aro Ukraine nishina countries pra ahae, European Union te smuggle kuribo leh, Civil Guard pra koishey.
Add Comment