Court: 3 Republic TV employees ke anticipatory bail junaishe

July 9, 2021. Wednesday din Mumbai Court para tin(3) jun Republic TV employees ke TRP manipulation case te anticipatory bail junaishe koishe. Etu tin(3) jun employees laga nam toh Shivendu Mulherkar, Ranjit Walter aro Sivasubramaniyam Sundaram ase. Tai khan para jowa saal November-December moina te Court logot bail petition filed korikena thaka ase, koikena khobor toh tai khan laga Counsel Vikram Kamath para khobor toh janaishe. Senior journalist Arnab Goswami toh Republic TV laga malik ase. Wednesday din te Additional Sessions Judge A D Deo para tin(3) jun employees laga anticipatory bail applications toh manishe, koikena Kamath para aro koishe. Tai para Court te application toh submitted korishe aro tai khan ke thuriboli eku ground thaka nai aro etu oper te FIR case registered kora te tai khan laga nam samil nai koishe. Etu TRP scam toh jowa saal October moina te olaishe aro etu samai ratings agency Broadcast Audience Research Council (BARC) para  Hansa Research Group (HRG) oper te complaint filed kora te konuba television channels para TRP numbers toh rigging korishe koishe. Hansa Research Group (HRG) laga kam toh barometers aro recording channel data install kora kam ase koishe.