Texas, 2 August 2025: Ekta U.S. federal appeals court para ekta case revive kuri se X (age Twitter) laga upor te, aro accused ase ke tai child abuse video handle kuri bole negligence dikhai she. Etu case te duita underage bacha laga explicit video Twitter te upload kuri kena thaki she, aro ekta trafficker post kuri thaki she. Aro etu video tu 1.67 lakh manu khan para dikhi loa piche te Twitter report para 9 days piche te he remove kuri de she.
Court para koi she ke Section 230 of the Communications Decency Act te online platform khan user content karone protection pai kena aro etu platform ke already aware kuri de she ke content tu child pornography ase aro tai timely report nohoi, taile protection tu grand kuri lobo. Judge Danielle Forrest koi se ke report dibo lay laga duty tu publisher role te alag ase.
Court etu bhi mani se ke X laga platform te child pornography report kuri bole kothin banai dise kena, tai laga upor te bhi claim ase. Hoi lay bhi court tu reject kuri de kena claim ke X knowingly trafficking te bhi benefit pai she aro search feature use kuri kena amplify kuri she.
Case tu Doe 1 et al vs Twitter Inc et al, 9th US Circuit Court of Appeals, No. 24-177 ase. Elon Musk defendant nohoi, aro etu case tu tai Twitter 2022 te loi thaka age te suru hoi thaki se. Plaintiffs laga lawyer Dani Pinter koise, “Ami khushi ase ke case trial tak ja bole ase, aro ami X upor te justice aro accountability pabo bole hope kuri ase.”
Add Comment