May 11, 2024: Kareena Kapoor Khan lah 2021 book, Kareena Kapoor Khan lah Pregnancy Bible, etu book dae tai lah pregnancy journey dikhaishey aro baacha bukha ama khan kae advice dishey. Hoilibhi ekta recent report pra suggest kurey ki etu book lah title tho etu actress kae kunba legal dikdar dishey.
NDTV lah reports hisab pra, Madhya Pradesh High Court pra ekta notice issue kurishey Kareena Kapoor Khan upur, tai lah preganancy memoir, Kareena Kapoor Khan lah Preganacy bible lah title upur. Etu petition, kutu advocate Christopher Anthony pra file kurishey, thatey Kareena Kapoor Khan aro book seller upur ekta case register kuriwoley sai asey, title dae “bible” chola karney.
Etu court pra actor kae ekta jawab mangishey ki kiley “bible” lah word tho title dae cholaishey hoina. Etu kitab lah sellers khan kae bhi notice issue kurishey. Anthong pra book lah sale upur ban demand kuri kina, tai lah petition dae.
Tai lah petition dae, social worker Anthony (Jabalpur) pra koishey ki Kareena Kapoor Khan lah Preganancy Bible dae ‘bible” lah title tho enia likhishey ki Christian lah comminoty upur disrespect kuriwoley. Tai pra contend kurishey ki Bible, kutu ekta sacred text asey Christian karney dunia pura dae, etu tho Kareena Kapoor Khan lah pregnancy experience upur compare nukuriwoley lagey.
Kareena Kapoor kae last Crew dae dikhsihey kutey co-starring Tabu, Kriti Sanon, Diljit Dasanjh aro Kapil Sharma bhi thakishey.
Add Comment