Agencies, 26 November: Thursday te nejor para bona anti-coronavirus vaccine candidate Covaxin laga phase-three human clinical trial toh AIIMS te suru hoise. Premier institute te Neurosciences Centre laga chief, Dr M V Padma Srivastava aro tinta tusara volunteers ke first dose deshe. ‘Covaxin’ toh Bharat Biotech para Indian Council of Medical Research (ICMR) logode melikena bona laga ase.
Sources koise, Dr Sriv astava toh first wala ase shot powa te aro etu dawai toh ahibole olob din 15,000 nesana volunteers ke deya thakibo.
First dose 0.5 ml intramuscular injection toh jarta volunteers ke deya thakise. Tai khan toh tui khonda nemide observation te thakise aro tai khan ke ahibole olob din nemide shai thakibole ase koise.
Dr Srivastava ke contact samai Covazin toh first indigenously-developed anti-coronavirus vaccine ase aro tai laga institute toh trial te hisha loi ase koise. Tai para be shot nemide first volunteer how ate honoured ase aro etu nesana mahan kaam nemide hisha lowa te kushi ase koise.
Sources koise, trial application laga part hisaab te, 0.5 ml laga dose toh day 0 aro day 28 te deya thakibo.
Phase-three randomised double-blind placebo-controlled multi-centre trial 28,500 subjects nesana 18-sal aro opor cover koribo. Etu toh 10 states te 25 nesana sites te lobo. Konbah sites te trial toh suru howa be hoise.
Bharat Biotech ke toh Covaxin laga phase-3 human clinical trials lobo nemide Drugs Controller General of India (DCGI) para akiya paikena ase. Phase one ao two trials para safety aro immunogenicity data toh central drug regulator ke submit korikena ase.
Hyderabad-based firm para phase-three trial nemide apply kora samai koise, vaccine toh sob dose groups te phal thakise aro serious dekthari toh khobor howa nai.
Covaxin ke charikena, tusara jarta vaccines toh India te alak alak phases trial te ase. Serum Institute of India para Oxford-Astrazeneca COVID-19 vaccine laga phase-three trial loi ase aro Zydus Cadila para nejor bona dawai phase-two clinical trial kothom korise.
Dr Reddy’s Laboratories para India te Russian COVID-19 vaccine Sputnik V laga combined phase two and aro three clinical trials joldi suru koribole ase. Aro Biological E. Ltd para tai khan laga COVID-19 vaccine candidate laga phase 1 aro 2 human trials suru kori kena ase.
Add Comment