Agencies, 28 July: 2020 Australian Open golf championship toh COVID-19 pandemic nemide aha sal tak karni postpone korise.
Gold Australia para Thursday din statement te Australian Open toh 2020 tak nakhelibo koise.
Australian Open laga 105th edition toh November te lobole thaka ase hoilebe Golf Australia operations manager Simon Brookhouse para public health toh ashol manibole laga karan ase. Etu karni para postpone koribole fesla lowa laga ase koise.
Brookhouse koise, “etu toh sob Australian nemide ektum challenging samai ase aro dekhana nathaka pandemic para ahibole din laga date nemide fesla koribole napara hoise.
Tai aro koise, “Etu sob toh yaat rakhikena, ami khan aro bhabona koribole mon howa toh ami khan etu summer Australian Open toh khelibole mon ase aro host Melbourne’s Kingston Heath Golf Club logode kaam koribo sob karni thek date pabo nemide. Hoilebe etu toh January-March 2021 window te hob o pari..
Etu fesla manae Australian All Abilities Championship te top 12 players toh world ranking te golfers logode disability nemide thaka toh deri hobole ase. Kelay koile tournament toh Australian Open field laga part hisaab te khela nemide.
Add Comment