GUWAHATI , April 13, 2020 :Assam laga maiki khan kaam kuri ase alag alag saaman khan etu te hand sanitizers, homemade mask, and liquid disinfectant bonabole nimete.
Etu saaman khan toh family manu khan aro dukhia manu khan ke free para dibo tai khan ke modot kuribole nimete area te covid-19 logote ladai kuribole nimete.
Etu maiki khan ke CSIR-North East Institute of Science and Technology, Jorhat bithor te thaka Rural Women Technology Park (RWTP) para tai khan ke loishe.
Etu programme para SEED Division, Department of Science and Technology (DST) ke support kuri ase. DST secretary Ashutosh Sharma koishe ki “Covid-19 nishena challenge ke lokura toh ekta khatra community participation aro support lageh.”
Tai koishe “Self Help groups aro dedicated NGOs khgan ekta perfect gaari ase etu scenario nimete manu khan ke janaidibole solutions olabole bonabole aro etu low tech items etu te masks aro disinfections khan dibole nimete.”
Region laga rural maiki khan ke hikaishe homemade mask traditional gamocha para bonabole nimete RWTP, Jorhat para hikaishe.
homemade mask laga design toh finalized hoishe aro komti hoilebi 150 gamochas kinishe aro duita sewing machines khan arrange kurishe (ek gamocha para choita homemade masks bonabole paribo.”
Aro koishe etu maiki khan ke Rs 15 per mask hisaab te dibo.Etu ekla hi nohoikena liquid disinfectant 200 litres nishena bonaishe.
liquid disinfectant nimete saaman laga toh Dettol, ethanol, glycerine, essential oil khan loishe.Etu disinfectant ke bi family members aro dukhia manu khan ke free para dibo.
RWTP laga maiki khan ke March 24 te bondh nohoa akhe te hikaishe.Etu te bhaagh luwa khan para 50 litres of hand sanitizers, 160 litres of liquid disinfectant bonaishe etu toh toh komti hoilebi 60 women participants aro tai khan laga ghor manu khan ke dishe.
RWTP khan para aro bi ‘COVID19: Do’s and Don’ts’ Assamese language te posters aro leaflets khan bonaishe etu bi manu khan ke coronavirus aro tai khan laga precautionary measures khan ki lobole lageh etu khan dikhaishe.
Add Comment