Covid-19 bemar para aro Nepali Army 1 jun morishe

September 27, 2020. Nepali Army (NA) para koishe ke, Covid-19 bemari para tui(2) jun wala mori ase. Etu samay, Army pithor te bemari cases toh 2,197,  hoikena ase koishe. Saturday din statement te koishe ke, NA spokesperson Santosh Ballav Poudel para kowah toh, jawan ek jun 20 umer, Kathmandu valley te posted hoikena thaka morishe, koikena Himalayan Times para khobor toh junai thishe. Etu mora manuh toh epilepsy para bemar thakishe aro tai ke September 22 darik te seizure attack hoikena Chauni based Birendra Hospital te admitted korishe, koikena Poudel para koishe. Hoilebi, tui(2) din thaka beche tai ke Covid-19 positive thurishe. “etu beche, Doctors khan para tai ke Covid-19 section te elaj nemite botaishe, hoilebi, Friday din te virus bemar para morishe”, koikena NA spokesperson para kowah newspaper para janai thishe. Paudel para koishe, tai logot Covid-19 ase najanikena thakishe, tai khan virus nemite hosari kam sob koriase, khobor para koishe. NA personnel logot 2,197, bemari cases thaka pithor te , 1,656 manuh toh alag-alag hospital te elaj kori ase koishe. Etai dak Nepal te, sob melaikena Covid-19 cases toh 71,821 ase, aro 467 manuh morikena ase koishe.