Agencies, 11 May: Covid-19 para khali common manu ekala nahoi kena celebrities laga jevaan te be beya bonai deshe. Situation ektum beya howa te jani kena, besi jun agae ahishe motob lakiya khan ke motob debo nemite. Khali poisa ekala para nahoi kena, etu stars toh tai khan laga social media te thek jolai ase. Tai khan para hospital beds, medicines, oxygen cylinders nesana khan opor te khobor share korise. Aro etiya veteran Bollywood actor Dharmendra toh tai laga Instagram te ekta video para tai laga fans tak ponjishe. Video te tai para manu khan kenaka infection thura para bachibo etu opor te instruction deya toh dekhise. Etu ekala nahoi kena, tai para be death rates para tai ke mondukh korideya koise aro tai toh sob laga phal nemite prathana kori ase koise.
Video te tai para caption te lekha, “Sab theek ho jaega Be positive”.
Dharmendra ke toh tai laga films- Phool Aur Patthar (1966), Jugnu (1973), Raja Jani (1972), Loafer (1973), Apne aro tusara khan nesana nemite jani.
Add Comment