GUWAHATI , April 13, 2020: Chief Election Commissioner Sunil Arora Commissioners Ashok Lavasa and Sushil Chandra logote milikena manishe tai khan laga ek sal laga salary para 30 percent thankaa katibole nimete COVID-19 logote ladai kuribole nimete.
Officers khan meeting luwa pichede etu decision loishe kun khan manishe Union Cabinet laga example follow kurishe kun khan para eksal laga 30 per cent thankaa dibole ase coronavirus pandemic nimete .
Union Cabinet para olop akhe te ordinance Members of Parliament Act, 1954, laga slary allowances khan amend kuribole nimete etu bi April 1 para ek sal nimete allowances aro pensions toh 30 percent para komti kuribole nimete.
President, Vice President aro state laga governors khan para manishe social responsibility nimete pay cut lobole nimete .
Etu poisa toh Consolidated Fund of India te jabo aro etu toh government khan coronavirus logote ladai kuribole nimete chulibo.
Union Cabinet Prime Minister Narendra Modi para luwa toh Members of Parliament Local Area Development Scheme (MPLADS) dui sal nimete bondh kuridishe etu bi pandemic laga financial burden manage kuribole nimete/
Union Health Ministry kuwa hisaab te Etia India te Covid-19 para mura manu toh 308 te uthise aro cases laga ginti toh 9,152 te uthise.
Add Comment