COVID-19 khatara: NRAI para core group nemide compulsory shooting camp postpone korise

Agencies, 31 July: National shooting federation para Olympic core group nemide compulsory training camp toh postpone korise. Etu toh hoilebe COVID-19 pandemic karni para situation ola te manikena ase.

Thursday te, camp’s venue — Dr. Karni Singh Range laga shooting coach ke COVID-19 nemide  positive test powa thakise. Hoilebe etu enaka ola para facility toh bondh nakoribo koise. Delhi laga COVID-19 cases toh 1 lakh opor nemide hisaab hoise.

National Rifles Association of India (NRAI) secretary Rajiv Bhatia para PTI ke koise, “Camp toh ekiya nemide postponed te ase. Ami khan toh olob chese logode kaam koribole kosish kori ase aro next hata para ami khan ke cleared picture thakibole bhabona ase”.

Core group laga part, shooters toh facility te July 8 suru samai para training kori thaka ase aro tai khan toh health aro safety protocols te manikena daily practice kori thakibo nesana ase.

Hoilebe etu notun issue ola para NRAI toh Saturday laga camp daiyari nemide dekthari olaise.

Bhatia koise, “August laga second hapta situation te shaijai kena ami khan suru koribo pari”. Shooters- World Cup medallist Sanjeev Rajput, Manu Bhaker aro Anish Bhanwala toh jaija agae din para facility te train kori thakise tai khan majode shotgun marksmen- Sheeraz Sheikh aro  Mairaj Ahmad Khan nesana be thakise.

Delhi aro Haryana te shooters thaka khan para range te training toh suru korise. Hoilebe National Capital Region (NCR) pahar te thaka khan nejor laga jaga para pahar olaise koile khara hobole mana toh jani paise.

Rajput, Bhanwala aro Bhaker nesana toh train kori ase aro konbah shooters aro coaches para be   training aro camp toh joldi suru koribole nemide question korise.

Bhaker aro Rajput toh Tokyo Olympics nemide quota holders ase. Bhanwala ke be Games nemide Indian team bonabole besi chance ase.

Total 15 Indian shooters toh Olympic Games nemide quota paikena ase. Hoilebe etu Games toh pandemic nemide aha sal lobole postpone korikena ase.

NRAL para camp laga hygience aro medical protocols nemide High-Performance Manager aro former India shooter Ronak Pandit ke Nodal Officer in charge nemide junishe.  India te global pandemic para etiya tak 16 lakh opor manu khan dukh paikena ase aro etu pandemic karni para 35,000 opor jevaan loikena ase.