COVID-19: Nepal te 818 notun cases paishe

August 24, 2020. Sunday din Nepal te notun coronavirus bemari cases toh aro 818 paishe. Etu melaikena desh te 31,935 ase ase koikena, health ministry para janai thishe. Health ministry laga spokesperson, Jageshwor Gautam para khobor thishe ke, jaa 24 gonda pithor te coronavirus bemari para tin(3) jun manuh aro morishe. Etai desh te sob melaikena 149 manuh morikena ase koishe. Tai aro koishe ke, 818 notun cases pithor te 166 case toh  Kathmandu ekla para cases toh paishe. “281 manuh logot olop din agae te virus positive tested paikena thaka toh alag- alag chaka te bhal hoikena discharged kurishe’, tai koishe. Sob melaikena bhal kora cases toh 18,631 hoikena ase aro etu sob cases laga 58 per cent ase. Health ministry laga spokesperson para aro koishe ke, desh pura te etai dak 6,00,444 manuh ke PCR loikena ase aro 24 gonda pithor te 8,026 manuh ke loishe. Desh te, COVID-19 para 13,155 manuh bemar hoikena ase.