Agencies, 08 May: Hollywood stars Robert Pattinson, Ewan McGregor aro Lily Collins agae ahishe India te COVID-19 relief work nemite funds othabo karni. Variety hisab te, tinta actors toh desh nemite funds othabo karni GO Campaign logote melishe. Tai khan toh coronavirus pandemic laga deadly second wave te fight kori ase.
“Emily in Paris” star Collins toh GO Campaign laga ambassador ase. Tai para Pattinson aro McGregor logote India toh protective equipment, oxygen, medicine aro jevaan bachabo nemite bhaat ektum laki ase koise.
Tai para be India te tai laga sundor memories ase aro tai laga monn te desh toh hotai special jaga te thakibo koise. Tai para be tai aro tai laga saati khan logote GO Campaign te join koribole koise kelay koile dekthari families nemite joldi relief anibo karni.
McGregor para GO Campaign”s relief fund te ke laga donation hoilebe jevaan bachabo nemite motob debole ase koise.
Add Comment