New Delhi: Tuesday din Indian Medical Association (IMA) para koishe ke, India laga desh pura te second wave coronavirus bemar para 513 doctors laga jevan jaikena ase. Indian Medical Association (IMA) laga khobor hesab te Delhi state ekla te sobesi besi 103 doctors morikena ase. Bihar second hoikena 96 doctors morishe aro etu samai Uttar Pradesh te 41 doctors Covid-19 bemari para morikena ase. State laga data hesab te, Rajasthan te 39 morikena ase, Andhra Pradesh, Telangana aro Jharkhand te 29 mora khobor ase. Etu samai, first wave bemar para 747 doctors laga jaan jaishe. Indian Medical Association (IMA) laga data hesab te 91 doctors khan toh Tamil Nadu para thakishe, states majot te sobse besi wala ase. Maharashtra te 81 doctors morishe, West Bengal te 71, Andhra Pradesh te 70, Chandigarh aro Chattisgarh te 8, Goa, Manipur aro J&K te 3, Himachal Pradesh te 2, Jharkhand te 19, Kerala te Madhya Pradesh te 22, Meghalaya aro Tripura te 1, Pondicherry te 2, Telangana te 12, Uttarakhand te 5 aro Uttar Pradesh para 65 doctors morishe koishe.
Covid-19 second wave te 500 doctors morikena ase
